Njësia Rajonale për Hetimin e Krimeve Ekonomike dhe Korrupsion në Prizren ka arrestuar një person nën dyshimin për përfshirje në veprën penale “tregti e ndaluar”.
I dyshuari E.T., (1992, mashkull kosovar) është ndaluar pas një operacioni të zhvilluar në tri lokacione, në kuadër të Planit Operativ “Luftimi i ekonomisë joformale”.
Gjatë kontrollit në një kioskë dhe depo në Prizren, janë sekuestruar: 6365 copë cigare pa banderola ose me banderola të Serbisë, 256 cigare elektronike, 19 aparate për cigare elektronike, 4550 gr shije për shisha, 80 copë “snus” dhe 3000 filtra cigaresh – të gjitha pa banderola të RKS-së.
Me vendim të prokurorit, ndaj të dyshuarit është caktuar masa e paraburgimit prej 48 orësh, ndërsa ndaj tij është hapur rast penal për “tregti të ndaluar”.
