Një person është arrestuar nga Policia e Kosovës, pasi që i njëjti dyshohet se qëllimisht i ka goditur me veturë dy punëtorë të një punëtorie, ku më pas edhe ishte larguar nga vendi i ngjarjes.
Policia thotë se rasti ka ndodhur si pasojë e një mosmarrëveshje rreth një pagese, mesditën e së shtunës në Prishtinë.
Ndërkohë, të lënduarit si pasojë e lëndimeve të marra janë dërguar për tretman mjekësor.
Ndërkaq, i dyshuari i rastit pas intervistimit, me vendim të prokurorit është dërguar në qendrën e mbajtjes.
“Është arrestuar i dyshuari mashkull kosovar pasi që dyshohet se i njëjti kishte shkuar te punëtoria e dy viktimave meshkuj kosovar dhe pas një mosmarrëveshje rreth një pagese i kishte goditur me veturë viktimat dhe ishte larguar nga vendi i ngjarjes”, thuhet në raportin ditor të PK-së./teve1.info/