Policia e Kosovës ka arrestuar një person të dyshuar për veprën penale të dhunimit ndaj një gruaje në Prishtinë.
Sipas raportit 24-orësh të Policisë, rasti është raportuar më 1 korrik 2026, ndërsa i dyshuari, mashkull kosovar, është arrestuar dhe është intervistuar nga organet kompetente.
“Është raportuar se i dyshuari mashkull kosovar ka kryer veprën e lartcekur ndaj viktimës femër kosovare. Lidhur me rastin, i dyshuari është arrestuar dhe pas intervistimit, me vendim të prokurorit, është dërguar në mbajtje”, thuhet në raportin e Policisë.
Me vendim të prokurorit të shtetit, të dyshuarit i është caktuar masa e ndalimit, ndërsa hetimet për zbardhjen e plotë të rastit janë duke vazhduar.
