Një person është arrestuar në Mitrovicën e Jugut pasi gjatë një kontrolli të një shtëpie dhe lokali pronë e të dyshuarit janë gjetur dhe konfiskuar armë dhe substanca narkotike.
Siç thuhet në raportin 24 orësh të Policisë së Kosovës rasti ka ndodhur të hënën rreth orës 09:15 në fshatin Kqiq i Madh në Mitrovicën e Jugut.
“Gjatë një kontrolli në një shtëpie dhe në një lokali pronë e të dyshuarit mashkull kosovar janë gjetur dhe konfiskuar në cilësi të provave materiale: Pesë qese me substanca të dyshuara të narkotikëve të llojit kokainë me peshë 110.6 gram , një revole me dy karikatorë , një pushkë gjuetie, 15 fishekë, 1 peshore digjitale, para të gatshme , 6000 dinar të Serbisë, 2 radiolidhje , 1 shufër metalike. Lidhur me rastin, i dyshuari është arrestuar dhe me pas me vendim të prokurorit i njëjti dërgohet në mbajtje për 48 orë”, thuhet në raportin 24 orësh të policisë.
