Prokuroria Themelore në Mitrovicë, ka njoftuar se është arrestuar një person për kanosje ndaj gazetarëve të portalit “Mitropol”.
Sipas njoftimit, i dyshuari F.A. nga Vushtrria, ka kanosur gazetarët për shkak të një shkrimi të portalit për vendosjen e një mini-parku argëtues në sheshin e Vushtrrisë, shkruan teve1.info
I njëjti me vendim të prokurorit është ndaluar për 48 orë.
“Prokuroria Themelore në Mitrovicë, njofton opinionin se është arrestuar personi i dyshuar me iniciale F.A,. nga Vushtrria, me dyshimin se i njëjti ka kanosur gazetarët e portalit “Mitropol” nga Mitrovica, për shkak të një shkrimi të portalit për vendosjen e një mini-parku argëtues në sheshin e Vushtrrisë. Me këto veprime i dyshuari ka kryer veprën penale “Kanosja” nga neni 181 të Kodit Penal të Republikës së Kosovës. I dyshuari, me vendim të prokurorit gjendet në ndalim 48 orësh”, thuhet në postim.
