Një person është arrestuar pasi raportohet se e ka plagosur aksidentalisht me armë zjarri një tjetër person.
Sipas Policisë rasti ka ndodhur mbrëmjen e së premtes në Mitrovicë, ndërsa viktima ka pranuar tretman mjekësor.
Nga i dyshuari bëhet e ditur se është konfiskuar një revole me 41 fishekë e një gëzhojë dhe me vendim të prokurorit i njëjti është dërguar në mbajtje.
“Është raportuar se i dyshuari mashkull kosovar ka plagosur aksidentalisht me armë zjarri viktimën mashkull kosovar. Lidhur me rastin viktima ka pranuar tretman mjekësor, ndërsa nga i dyshuari është konfiskuar një revole me 41 fishekë e një gëzhojë. Me vendim të prokurorit i dyshuari dërgohet në mbajtje”, thuhet në raportin e PK-së./teve1.info/
