Të martën në Mitrovicë është arrestuar një i dyshuar për veprat penale “Bashkimi për veprimtari kundër kushtetuese”, ‘’Rrezikimi i personave nën mbrojtje ndërkombëtare’’, ‘’Pjesëmarrja në turmë që kryen veprën penale dhe huliganizmi’’, ‘’Sulmi ndaj personit zyrtar’’.
Në njoftimin e Prokurorisë Speciale të Kosovës thuhet se i dyshuari M.A është ndaluar në bashkëpunim me Policinë e Kosovës.
Pas ndalimit të tij thuhet se me qellim të sigurimit të provave dhe dëshmive lidhur me veprimet të cilat i njëjti i ka ndërmarrë është realizuar edhe kontrolli i vendbanimit të personit të dyshuar, gjatë së cilit në cilësinë e provave materiale janë sekuestruar disa gjësende.
“Prova D#1 – sasi prej 751 gram substancë e dyshuar narkotike;
Prova D#2 – shpuzore me 292 gram substancë të dyshuar narkotike;
Prova D#3 – tabak metali me 207 gram substanca narkotike;
Prova D#4 – sasi e vogël e substancës së dyshuar narkotike;
Prova D#5 – pushkë ajrore;
Prova D#6 – peshore e vogël, e dyshuar për matjen e substancave narkotike; 2 aparate për prodhim të kriptovalutave – Riga (në pritje të veprimeve të mëtejme nga Dogana e Kosovës dhe Policia – Stacioni Mitrovica e Veriut);
Prova D#7 – telefon celular Samsung Galaxy S22 Ultra, me numër serik R5CTC1RZGEN dhe IMEI 355898190653889″, thuhet në njoftim.
