Policia e Kosovës ka bërë të ditur se ka arrestuar një person i cili kishte tentuar t’u jap ryshfet zyrtarëve policorë me qëllim që bashkëshortja e tij të hyjë në Kosovë në mënyrë të paligjshme.
Sipas PK-së është iniciuar rast për veprën “Dhënia e Ryshfetit” dhe i dyshuari është ndaluar për 48 orë.
“I dyshuari është arrestuar pasi ka tentuar t’u ofrojë ryshfet zyrtarëve policor me qëllim të lejimit të hyrjes së paligjshme në Republikën e Kosovës të bashkëshortes së tij, duke anashkaluar procedurat dhe kriteret shtetërore në fuqi. Gjatë procedurës janë ndërmarrë të gjitha veprimet hetimore përfshirë intervistimin e të dyshuarit në prezencë të avokatit mbrojtës dhe sekuestrimin e provës materiale”, thuhet në komunikatë.
