Një person është arrestuar në Gjakovë nën dyshimin se ka shpërndarë materiale me përmbajtje të shfrytëzimit dhe keqpërdorimit seksual të fëmijëve përmes rrjeteve sociale.
Sipas Policisë së Kosovës, gjatë kontrollit është sekuestruar si provë materiale një telefon celular, i cili dyshohet të jetë përdorur për kryerjen e veprës penale.
“Është arrestuar i dyshuari, mashkull kosovar, i cili përmes rrjeteve sociale dyshohet se ka shpërndarë materiale me përmbajtje të shfrytëzimit dhe keqpërdorimit seksual të fëmijëve. Në cilësi të provave materiale është sekuestruar një telefon celular. Pas intervistimit, me vendim të prokurorit, i dyshuari është dërguar në mbajtje”, thuhet në raportin e PK-së.
