Policia e Kosovës ka arrestuar një person të dyshuar për përfshirje në vjedhjen e derivateve të naftës nga një automjet transportues në Fushë-Kosovë.
Sipas autoriteteve, rasti kishte ndodhur më 31 maj rreth orës 00:24, ndërsa pas zhvillimit të hetimeve policore, i dyshuari është identifikuar dhe arrestuar më 3 qershor.
Pas përfundimit të procedurave fillestare dhe në koordinim me prokurorin e shtetit, ndaj tij është caktuar masa e ndalimit, dhe ai është dërguar në mbajtje.
Hetimet për rastin po vazhdojnë për të sqaruar plotësisht rrethanat e ngjarjes.
