Policia e Kosovës ka arrestuar Gj.GJ, në fshatin Madanaj në Gjakovë. I njëjti posedonte armë dhe municion.
Kjo është bërë e ditur përmes një njoftimi për media.
Sipas njoftimit, arrestimi i të dyshuarit u bë pasi njësitet patrulluese në kuadër të stacionit Policor të Gjakovës, derisa ishin duke hetuar dhe trajtuar një rast lidhur me një kontest pronësor në fshatin Madanaj-Gjakovë, rreth orës 11:15 kanë arritur të sigurojnë informacion se i dyshuari kishte në posedim armë, raporton teve1.info
“Stacioni Policor në Gjakovë, njësitet patrulluese në kuadër të këtij stacioni, derisa ishin duke hetuar dhe trajtuar një rast lidhur me një kontest pronësor në fshatin Madanaj-Gjakovë, rreth orës 11:15 kanë arritur të sigurojnë informacion se i dyshuari Gj. Gj., (mashkull, lindur në vitin 1978, shtetas i Republikës së Kosovës,) kishte në posedim armë. Pas kontrollimit të tij, në posedim i janë gjetur dy pistoleta me nga dy karikatorë dhe 20 copë fishekë”, thuhet në njoftim.
Arma dhe municioni janë sekuestruar, ndërsa i dyshuari me vendim të prokurorit të shtetit, është ndalur në mbajtje për 48 orë, si dhe ndaj tij është iniciuar rast “Mbajtje në pronësi, kontroll ose posedim të paautorizuar të armëve”./teve1.info./
