Një i mitur është arrestuar për veprën penale vjedhje e rëndë në Lipjan.
Sipas policisë, rasti kishte ndodhur më 3 mars në një shtëpi në fshatin Torinë, dhe ishte raportuar se ishin vjedhur stoli ari e para.
Policia njoftoi se i dyshuari është dërguar në mbajtje, derisa ai dyshohet për së paku 12 vepra të tilla vjedhjeje.
“Ndaj personit të dyshuar po kryhen procedurat e nevojshme procedurale për se paku 12 vepra të natyrës se njëjtë, ndërkohë që hetuesit janë në kërkim të disa personave të tjerë të dyshuar te cilët dyshohet të jenë të përfshirë në po të njëjtat raste”, thuhet në njoftimin e Policisë së Kosovës./teve1.info/
