Një person i dyshuar për vjedhje të rëndë në një shtëpi në rrugën “Kongresi i Manastirit” në Prishtinë është identifikuar dhe arrestuar nga Policia e Kosovës.
Sipas raportit 24-orësh të Policisë, i dyshuari kishte depërtuar me forcë në shtëpinë e viktimës dhe kishte vjedhur mjete pune me vlerë rreth 6 mijë euro.
Me vendim të prokurorit, i dyshuari mashkull kosovar është dërguar në mbajtje dhe hetimet për rastin vazhdojnë.
“Pas hetimeve, është arrit të identifikohet dhe të arrestohet i dyshuari mashkull kosovar, pasi që ditë më parë kishte depërtuar me forcë në shtëpinë e viktimës dhe kishte vjedhur mjete pune me vlerë rreth 6.000€. Me vendim të prokurorit i dyshuari është dërguar në mbajtje”, thuhet në raportin e PK-së./teve1.info/
