Policia e Kosovës ka arrestuar një person të dyshuar për përfshirje në veprimtari të kundërligjshme të shit-blerjes së substancave narkotike.
Sipas raportit 24-orësh të Policisë së Kosovës gjatë kontrollit të dyshuarit i janë gjetur dhe sekuestruar një pistoletë me 11 fishekë, një telefon mobil dhe 140 euro.
Në konsultim me prokurorin kompetent, janë kontrolluar dy banesa dhe disa podrume të objekteve banesore që shfrytëzoheshin nga i dyshuari. Gjatë kontrollit janë gjetur dhe sekuestruar 17.08 gramë substancë e dyshuar narkotike e llojit kokainë, një mjet shpërthyes (bombë), një armë automatike AK-47, një pistoletë, 20 fishekë, një peshore digjitale për matjen e narkotikëve, si dhe një pajisje DVR të kamerave të sigurisë.
Policia ka bërë të ditur se rasti po hetohet nga njësitet kompetente për narkotikë dhe armëmbajtje pa leje.
“Pas një pune operative hetimore është arrestuar një mashkull kosovar si i dyshuar për shit-blerjen e narkotikëve dhe gjatë kontrollit tek i njëjti është gjetur dhe sekuestruar një pistoletë me 11 fishekë, një telefon mobil dhe 140€”.
“Në konsultim me prokurorin janë kontrolluar dy banesa dhe disa podrume të objekteve banesore që ishin në shfrytëzim nga i dyshuari ku janë gjetur dhe sekuestruar edhe: 17.08 gramë substancë e dyshuar narkotike e llojit kokainë, një mjet shpërthyes (bombë), një armë automatike AK 47, një pistoletë, 20 fishekë, një peshore digjitale për matjen e narkotikëve, dhe një DVR 0 kamerave”, thuhet në raportin 24-orësh të policisë./teve1.info/
