Një person është arrestuar në Prishtinë nën dyshimin për përfshirje në një rast të vrasjes në tentativë, që dyshohet të ketë ndodhur më 4 tetor në kryeqytet.
Sipas njoftimit të Policisë, operacioni është zhvilluar në bazë të një urdhërese të gjykatës, ku janë bastisur dy lokacione.
Në njërën prej tyre është arrestuar një i dyshuar, ndërsa personi tjetër që kërkohej nuk është gjetur në banesë gjatë kontrollit.
Me vendim të prokurorit, i dyshuari i arrestuar është dërguar në mbajtje, ndërkohë që hetimet për gjetjen e personit të dytë dhe sqarimin e plotë të rastit po vazhdojnë.
Ngjarja lidhet me një incident të ndodhur më 4 tetor në rrugën “Mark Sopi” në Prishtinë, ku një person ishte plagosur nga dy persona të panjohur.
