Policia e Kosovës, Drejtoria për Hetimin e Krimeve Ekonomike dhe Korrupsionit ka finalizuar një hetim disa mujor lidhur me dyshime për parregullsi në një aktivitet të prokurimit publik në rajonin Gjilanit.
Është arrestuar një person në rajonin e Gjilanit nën dyshimin për “mashtrim në prokurimin publik”.
Arrestimi siç ka njoftuar Policia e Kosovës ka ndodhur pas hitive disa mujore.
Dyshohet se një operator ekonomik ka paraqitur dokumentacion në kundërshtim me kërkesat ligjore të prokurimit publik. Po ashtu, ekzistojnë dyshime të bazuara se dokumentet e paraqitura kanë qenë të pasakta ose të paqena me qëllim të përfitimit të kundërligjshëm.
Personi i dyshuar është intervistuar në prani të mbrojtjes së tij ligjore.
Pas intervistimit, prokurori kompetent ka lëshuar aktvendim për ndalimin e të dyshuarit për 48 orë.
