Prokuroria Themelore në Prishtinë ka njoftuar se është arrestuar një person i dyshuar për veprat penale ‘’keqpërdorim i pozitës apo autoritet zyrtar’’ dhe ‘’përvetësimi në detyrë’’.
Sipas Prokurorisë, arrestimi është bërë gjatë realizimit të një aksioni në bashkëpunim dhe në koordinim me Hetuesit e Doganës së Kosovës.
I dyshuari thuhet se është ndaluar me urdhër të Prokurorit të shtetit për një periudhë prej 48 orësh, ndërsa brenda afatit ligjor, do të parashtrojë kërkesë për caktimin e masës së paraburgimit ndaj të pandehurit.
