Policia e Kosovës ka arrestuar një person në Prizren, nën dyshimin për kultivim të bimëve narkotike të llojit kanabis.
Sipas raportit policor, arrestimi është bërë më 10 korrik rreth orës 09:00, në rrugën “Jusuf Gërvalla”, pas zbatimit të një urdhërkontrolli të lëshuar nga gjykata.
Gjatë kontrollit në shtëpinë, autolarjen dhe automjetin e të dyshuarit, policia ka gjetur në oborrin e tij dy bimë të mbjella të dyshuara si kanabis, me gjatësi 50 dhe 62 centimetra, si dhe një peshore elektronike.
Pas intervistimit, me vendim të prokurorit, i dyshuari është dërguar në mbajtje, ndërsa rasti po hetohet nga organet kompetente.
“Rr. Jusuf Gërvalla, Prizren 10.07.2026-09:00. Është arrestuar i dyshuari mashkull kosovar nën dyshimin se i njëjti është duke u marr me kultivimin e bimëve narkotike të llojit kanabis. Njësit policore kanë zbatuar urdhëresën e gjykatës, ku kanë kryer urdhër kontrollin në shtëpinë, autolarje dhe automjetin e të dyshuarit. Gjatë kontrollit në oborrin e tij janë gjetur të mbjella dy bimë të llojit kanabis me gjatësi 50 dhe 62 cm, si dhe një peshore elektronike. Me vendim të prokurorit pas intervistimit i dyshuari është dërguar në mbajtje”, thuhet në raportin e PK-së./teve1.info/
