Një grua është arrestuar nga Policia e Kosovës, nën dyshimin për dhunë në familje dhe keqtrajtim të fëmijëve.
Policia në raportin ditor ka bërë të ditur se ajo dyshohet se sulmoi burrin me të cilin bashkëjetonte, si dhe fëmijët e saj të mitur.
“Është raportuar se, më 19.03.2025 një mashkull kosovar është sulmuar fizikisht nga e dyshuara femër kosovare me të cilën bashkëjeton. Po ashtu, dyshohet se e dyshuara ka ushtruar dhunë edhe ndaj fëmijëve të tyre të mitur. E dyshuara është arrestuar dhe pas intervistimit me vendim të prokurorit është dërguar në mbajtje”, thuhet në raportin e PK-së./teve1.info/
