Një person është arrestuar nga hetuesit e Stacionit Policor në Lipjan, nën dyshimin se ka kryer veprën penale të zjarrvënies, në një rast që kishte ndodhur më 3 korrik 2026.
Sipas njoftimit të Policisë së Kosovës, si pasojë e incidentit ishte përfshirë nga zjarri një veturë.
“Pas ndërmarrjes së veprimeve intensive hetimore dhe operative, policia ka arritur të identifikojë dhe arrestojë personin e dyshuar: F.V., mashkull, 25 vjeç”, thuhet në njoftimin e Policisë së Kosovës.
Me vendim të prokurorit të shtetit, i dyshuari është intervistuar dhe më pas është dërguar në mbajtje për 48 orë.
Policia e Kosovës ka bërë të ditur se hetimet lidhur me rastin janë në vazhdim.
Postimi i plotë:
