Një grua është arrestuar në Prizren nën dyshimin për keqpërdorim të pozitës apo detyrës zyrtare, ka njoftuar Policia e Kosovës.
“Shtetasja kosovare është arrestuar pasi dyshohet se gjatë ushtrimit të detyrës zyrtare ka keqpërdorur pozitën me qëllim të përfitimit të dobisë pasurore për vete apo persona të tjerë,” thuhet në raportin zyrtar.
Pas intervistimit nga autoritetet kompetente, me vendim të prokurorit kujdestar, e dyshuara është dërguar në mbajtje. Rasti është duke u trajtuar nga organet e drejtësisë.
