Policia e Kosovës ka arrestuar një person të kërkuar, i cili ishte i dënuar me burgim për veprën penale “Vrasje në tentativë”.
Sipas njoftimit të Policisë, arrestimi është realizuar nga njësitë e Stacionit Policor Qendra në Prishtinë, në kuadër të veprimeve të vazhdueshme për kapjen e personave të kërkuar dhe ekzekutimin e vendimeve gjyqësore.
I arrestuari është identifikuar me inicialet A.Sh., 20 vjeç, i cili ishte dënuar me një vit burgim për veprën penale “Vrasje në tentativë”.
Pas arrestimit, ai është dërguar në vuajtje të dënimit, ka bërë të ditur Policia e Kosovës./teve1.info/
