Në kuadër të angazhimeve të vazhdueshme për zbatimin e ligjit, ekzekutimin e urdhëresave të Gjykatës dhe garantimin e sigurisë publike, zyrtarët policorë të Stacionit Policor në Pejë kanë lokalizuar dhe arrestuar personin me inicialet F.B.
Sipas njoftimit zyrtar, ndaj tij ishte lëshuar urdhëresë nga Gjykata për veprën penale “Përdorimi i armës apo mjetit të rrezikshëm”.
Pas arrestimit dhe përfundimit të procedurave ligjore, F.B. është dërguar në vuajtje të dënimit me burgim prej një viti e tetë muajsh.
“Drejtoria Rajonale e Policisë në Pejë mbetet e përkushtuar në zbatimin e vendimeve të organeve të drejtësisë, si dhe në ndërmarrjen e veprimeve konkrete për lokalizimin dhe arrestimin e personave të kërkuar, me qëllim të forcimit të rendit dhe sigurisë publike”, theksohet në njoftim.teve1.info/
