Njësitet e Stacionit Policor “Veriu” në Prishtinë kanë realizuar një operacion të suksesshëm policor, i cili ka rezultuar me arrestimin në flagrancë të një personi të dyshuar për veprën penale “vjedhje e rëndë”.
Sipas njoftimit të Policisë së Kosovës, i dyshuari është arrestuar në momentin kur kishte hyrë në një shtëpi në Prishtinë.
“Bazuar në veprimet e ndërmarra, njësitet policore kanë identifikuar dhe kanë arrestuar personin e dyshuar në momentin kur ai kishte hyrë në një shtëpi në Prishtinë”, thuhet në njoftimin e Policisë së Kosovës.
Policia bëri të ditur se personi i dyshuar është mashkull kosovar. Me vendim të prokurorit të shtetit, ai është intervistuar dhe më pas është dërguar në mbajtje për 48 orë, ndërsa ndaj tij po vazhdojnë procedurat e mëtejshme hetimore.
