Policia e Kosovës, konkretisht njësiti ILECU-FAST KOSOVA, ka arrestuar një person në Ferizaj me urdhërarrest ndërkombëtar.
Sipas komunikatës, tashmë i arrestuari është shtetas i Maqedonisë së Veriut i shpallur në kërkim për veprën penale “Trafikim me narkotik”.
“Me datë 29.04.2024 në qytetin e Ferizajt, ky njësit në bashkëpunim të ngushtë me Drejtorinë për Narkotik dhe Njësinë për Reagim të Shpejtë-Ferizaj pas një pune intensive në terren, ka arritur të lokalizoj dhe arrestoj një shtetas nga Maqedonia e Veriut me inicialet A.H., (viti i lindjes 1983) i shpallur në kërkim ndërkombëtar të INTERPOL-it për veprën penale “Trafikim me Narkotik”, thuhet në komunikatë.
Bëhet e ditur se ndaj të njëjtit do të aplikohen procedurat e parapara për këto raste, deri në ekstradimin e tij.
“Policia e Kosovës, mbetet e përkushtuar në realizimin e detyrave dhe përgjegjësive të saj ligjore, përfshirë edhe fushën e bashkëpunimit ndërkombëtar policor”, thuhet tutje./teve1.info./
