Policia e Kosovës, gjegjësisht njësiti “Fast Kosova” me mbështetje të Njësisë Speciale Operative, sot kanë arritur të lokalizojnë dhe më pas të arrestojnë një person me inicialet V.A në Ferizaj, i cili ishte i shpallur në kërkim ndërkombëtar nga autoritetet norvegjeze për veprën penale “vrasje” të kryer në Oslo më 07.10.2021.
Sipas njoftimit të policisë i arrestuari përveç shtetësisë kosovare, posedon edhe shtetësi norvegjeze, ndërsa në momentin e arrestimit të njëjtit i është gjetur një armë zjarri si dhe disa pasaporta të shteteve të tjera të cilat me gjase janë të falsifikuara.
Policia ka bërë të ditur se ndaj personit të njëjtë do të vazhdojnë procedurat e parapara për raste të tilla./teve1.info/
