Përmes një komunikate për media, policia ka njoftuar se i dyshuari është shfaqur direkt në një video ku ka biseduar me vajza me fjalor degradues, edhe pse vajzat kanë treguar se janë të mitura 16-17 vjeçe.
“I dyshuari në disa faqe të internetit është shfaqur direkt (LIVE) në një video ku ka biseduar me vajza me fjalor degradues, edhe pse vajzat kanë treguar se janë të mitura 16-17 vjeçare ndërsa njëra prej tyre 18 vjeçare, i dyshuari edhe pse e kupton që është duke komunikuar me të mitura ai flet fjali nxitëse seksuale. Video në fjalë është shpërndarë edhe nëpër rrjete të ndryshme sociale TikTok, youtube etj”, thuhet në njoftim, shkruan teve1.info.
Bëhet e ditur se i dyshuari është intervistuar në bazë të procedurave ligjore.
“Me urdhër të Prokurorit të Shtetit për Krime të Rënda i dyshuari është ndalur në mbajtje për 48 orë dhe rasti me kallëzim penal ,,Degradim i integritetit seksual” procedohet për në Prokurorinë Themelore në Gjilan”, njofton tutje Policia e Kosovës.
