Policia e Kosovës ka arrestuar një person të kërkuar, i cili ishte i dënuar me tre vite burgim për keqpërdorim seksual të të miturve.
Sipas njoftimit zyrtar, arrestimi është realizuar gjatë ditës së djeshme nga Njësia për Realizimin e Urdhëresave, në kuadër të Stacionit Policor Veriu në Prishtinë.
I dyshuari, E.M., 26 vjeç, ishte në kërkim për ekzekutimin e dënimit me burgim.
Pas arrestimit, i njëjti është dërguar për vuajtje të dënimit sipas vendimit të formës së prerë të gjykatës.
“Gjatë ditës së djeshme, Njësia për Realizimin e Urdhëresave, në kuadër të Stacionit Policor Veriu në Prishtinë, ka realizuar me sukses arrestimin e një personi, i cili ishte në kërkim. Personi E.M., 26 vjeç, ishte i dënuar me tre (3) vite burgim për veprën penale “Keqpërdorim seksual i personave nën moshën 15 vjeç”. Pas arrestimit, i njëjti është dërguar në vuajtje të dënimit sipas vendimit gjyqësor”, thuhet në njoftim. /teve1.info/
