Autori: Adea Mustafaj
Rreth orës 02:40 të mëngjësit të së dielës, një autoambulancë u përfshirë nga flaka në Qendrën e Mjekësisë Familjare në fshatin Ratkoc të Rahovecit.
Nga ky zjarr fatmirësisht nuk pati të lënduar, vetëm dëme materiale.
E personi që kreu këtë vepër dyshohet të jetë një person i njohur për policinë për kanosje dhe si një person me probleme mendore.
Por, si ndodhi e tërë ngjarja tregoi Ahmet Latifi, nga Qendra e Mjekësisë Familjare në Ratkoc.
“Përsoni në fjalë vjen tek një ode të një fshatarit, e cila është e pa pabnuar dhe futet mbrenda dhe ja fut flaken. Qohen disa kushërin të tyre e shofin dhe e fikin zjarrin. Nga aty largohet personi. E thirrin policin. Policia vjen, nuk vanohet shumë, por personi në fjal ik nga vend ii ngjarjes dhe shkon te shkolla fillore. Aty mundohet të ja fus flakën disa trunjëve. E aty e vërejnë policia, gjunë me fishekzjarre, ai ka pas edhe thika. Më pas kur e shohim flakën tek QMF-ja”, ka thënë Latifi.
E i dyshuar H.H tashmë është kapur nga policia derisa kishte tentuar t’u ikte zyrtarëve policor.
“Si rezultat i hetimeve në vendin e ngjarjes dhe provave të siguruara, është identifikuar një person i dyshuar, i cili për motive ende të panjohura dyshohet se i ka vënë flakën autoambulancës. Më vonë, falë veprimeve operative të zyrtarëve policorë nga Stacioni Policor në Gjakovë, rreth orës 18:50, i dyshuari me inicialet H.H., mashkull i moshës madhore, është arrestuar. Gjatë arrestimit, i dyshuari ka tentuar t’u ikë zyrtarëve policorë, por është ndaluar pas një ndjekjeje në një zonë malore, në afërsi të pikës kufitare “Qafë Prush”, u shpreh Elezaj.
Nga Prokuroria Themelore në Gjakovë, njoftojnë se brenda afatit ligjor, ndaj të njëjtit do të parashtroj kërkesë për caktimin e masës së paraburgimit.
Ndërkaq, sipas prokurorisë, edhe hetuesit policor janë autorizuar që t’i ndërmarrin të gjitha veprimet e nevojshme hetimore.
