Është arrestuar personi me inciale Z.K, i dyshuar për të shtënat me armë zjarri të cilat u shkrepën ditë më parë në rrugën “Isa Kastrati” në Prishtinë.
Policia ka bërë të ditur se i dyshuari është paraqitur dje në stacionin policor bashkë me avokatin e tij.
Tutje bëhet e ditur se i dyshuari ka njoftuar për vendndodhjen e një pistolete që dyshohet se është përdorur në rast dhe e cila është sekuestruar.
Me vendim të prokurorit, Z.K., pas intervistimit është dërguar në mbajtje.
“Rr. Isa Kastrati, Prishtinë / 27.06.2025 – 19:30. Pas hetimeve të zhvilluara lidhur me rastin me 01.07.2025 është identifikuar i dyshuari m/k i cili është paraqitur në stacion së bashku me avokatin e tij. I dyshuari ka njoftuar për vendndodhjen e një pistolete që dyshohet se është përdorur në rast e cila është sekuestruar. Me vendim të prokurorit i dyshuari pas intervistimit është dërguar në mbajtje”, thuhet në raportin policor./teve1.info/
