Policia e Kosovës ka arrestuar sot personin me inicialet B.J. (53) nën dyshimet se kishte shtënë me armë zjarri gjatë një ahengu familjar në Gjilan.
Nga i dyshuari në këtë rast janë konfiskuar një armë e llojit ES Ecol i kalibrit 9 milimetra dhe 11 gëzhoja të kalibrit 9 milimetra.
Pas intervistimit në prani të avokatit mbrojtës, me urdhër të Prokurorit të Shteti i dyshuari është ndalur në mbajtje për 48 orë dhe do të ngrihet kallëzim penal për veprat penale mbajtje në pronësi, kontroll ose posedim të paautorizuar të armëve dhe shkaktim i rrezikut të përgjithshëm.
Drejtoria rajonale e policisë në Gjilan u bënë thirrje qytetarëve që të mos përdorin armë zjarri në gëzime familjare, por për një mjedis të sigurt dhe paqësor të festojnë me zemër dhe jo me armë.
