Është arrestuar nga Policia e Kosovës personi i dytë i dyshuar, për vrasjen e rëndë në tentativë që ka ndodhur më 10 mars në fshatin Baicë të Drenasit.
19-vjeçari, L.Z., është paraqitur mbrëmë në Stacionin e Policisë, nga kërkimet e vazhdueshme për arrestimin e tij dhe ftesat për paraqitje, raporton teve1.info.
Pas intervistimit në prezencë të avokatit mbrojtës, personi i dyshuar me vendim të prokurorit të shtetit është dërguar në mbajtje.
Nëntë ditë më parë, në fshatin Baicë të Drenasit, ka mbetur i plagosur nga arma e zjarrit M.H., i cili ishte dërguar për tretman mjekësor.
Në ditën e ngjarjes, Policia e Kosovës ka arrestuar të dyshuarit Q.B., 22-vjeçar, i cili me vendim të prokurorit të shtetit ishte dërguar në qendrën e mbajtjes, ndaj të cilit është iniciuar rasti “Vrasje në tentativë” dhe “Armëmbajtje pa leje”.
