Mesditën e sotme, është arrestuar edhe një i dyshuar tjetër për krime lufte kundër popullatës civile të kryer gjatë vitit 1998-1999 në Komunën e Istogut.
Sipas njoftimit të Policisë, hetuesit policorë nga Drejtoria për Hetimin e Krimeve të Luftës kanë arritur që sot ta lokalizojnë të dyshuarin Z.Z. në fshatin Lubozhdë, përcjell teve1.info
Bëhet e ditur se i dyshuari gjatë kohës së luftës në Kosovë, ka pasur pozitën e komandantit të nënstacionit policor në fshatin Rakosh të Istogut.
“Hetuesit policorë nga Drejtoria për Hetimin e Krimeve të Luftës (DHKL), kanë arritur që sot, më 05.08.2023, rreth orës 12:30, në fshatin Lubozhdë të komunës së Istogut të lokalizojnë dhe të arrestojnë të dyshuarin Ž.Z., viti i lindjes 1954, i dyshuar për veprën penale “Krime lufte kundër popullatës civile” të kryer gjatë vitit 1998-1999 në Komunën e Istogut. I dyshuari gjatë kohës së luftës në Kosovë në vitin 1998-1999 ka pasur pozitën e komandantit të Nën Stacionit Policor në fshatin Rakosh të Komunës Istogut. I njëjti është sjell në zyrat e DHKL-së ku pritet të intervistohet në cilësi të dyshuarit në prezencë të avokatit mbrojtës”, thuhet në njoftimin e Policisë. /Teve1.info/
