Prokuroria Speciale e Republikës së Kosovës ka njoftuar se është arrestuar një person i dyshuar për përfshirje në sulmin terrorist në Banjskë.
Sipas njoftimit zyrtar, i dyshuari me inicialet S.R. është ndaluar mbi bazën e dyshimit për kryerjen e veprave penale të rënda, që ndërlidhen me sigurinë kombëtare dhe rendin kushtetues të vendit.
Arrestimi i tij është realizuar nga Policia e Kosovës në pikën kufitare në Merdar. Me vendim të prokurorit të shtetit, i njëjti është ndaluar për 48 orë.
