Policia e Kosovës ka arrestuar dy persona në Fushë-Kosovë të cilët dyshohet për veprat penale “Fajde” dhe “Detyrim”.
Sipas PK-së aksioni është zhvilluar në dy lokacione gjatë ditë së martë.
“Sot me datë 13.06.2023 me Urdhëresë të Gjykatës Themelore në Prishtine – Departamenti i Krimeve të Rënda, Policia e Kosovës, konkretisht Drejtoria për Hetimin e Krimit të Organizuar në bashkëpunim me Prokurorinë Themelore ka zhvilluar operacionin policor në dy lokacione në Fushë Kosovë, ku janë arrestuar dy persona të dyshuar lidhur me dyshimin për kryerjen e veprave penale “Fajde” edhe “Detyrim’”, thuhet në komunikatë.
Policia ka bërë të ditur se janë sekuestruar se dëshmi dhe prova materiale : Katër mijë (4000) euro,tri (3) revole, Një (1) armë e gjatë, Katër (4) karikatorë, Njëqind e pesëdhjetë (150) fishekë, Një (1) automjet, tre (3) telefona mobil, Shënime/evidenca që dyshohen se lidhen me veprat penale.
Personat e dyshuar, pas intervistës me aktvendim të prokurorit dërgohet në ndalim për 48 orë./teve1.info/
