Policia e Kosovës ka arrestuar një të dyshuar, drejtor i një shkolle fillore në Viti, nën dyshimin se ka ushtruar presion psikik të vazhdueshëm ndaj një gruaje për ta detyruar të votojë kandidatin e Listës Serbe.
Sipas raportit të policisë, i dyshuari është shoqëruar në stacion policor dhe pas intervistimit, me vendim të prokurorit, është dërguar në mbajtje.
Hetimet për rastin janë duke vazhduar.
“Fsh. Binqë, Viti 29.10.2025 – 10:50. Është arrestuar i dyshuari mashkull kosovar, drejtor i shkollës fillore, pasi që kishte bërë presion psikik të vazhdueshëm ndaj viktimës femër kosovare për të votuar kandidatin e Listës Serbe. Me vendim të prokurorit, i dyshuari është dërguar në mbajtje”, thuhet në raportin policor./teve1.info/
