Sipas njoftimit, thuhet se pas një mosmarrëveshje 69 vjeçari i kishte shkaktuar lëndime trupore bashkëshortes së tij, 63 vjeçare.
“Në lidhje me këtë policët rendit e më pas policët hetues të Njësisë së Dhunës në Familje menjëherë i kanë marrë veprimet e nevojshme, kanë dalë në vendin e ngjarjes dhe kanë arrestuar personin R.J (M/K) i moshës 69 vjeçar, i cili shkak i një mosmarrëveshje i kishte shkaktuar lëndime trupore bashkëshortes së tij M.J ( F/K) e moshës 63 vjeçare”, thuhet në njoftim.
Bëhet e ditur se i dyshuari me vendim të prokurorit është dërguar në mbajtje për 48-orë, kurse rasti është cilësuar si” Dhunë në familje”
“Policia të dyshuarin e ka shoqëruar në stacionin e policisë në Ferizaj dhe pas intervistimit nga policët hetues, me vendim të prokurorit kujdestar nga Prokuroria Themelore në Ferizaj, dërgohet në mbajtje për 48 orë për procedura të mëtejme hetimore, ndërsa rasti është cilësuar ” Dhunë në familje dhe lëndim trupor””, thuhet tutje./teve1.info./
