Policia e Kosovës ka arrestuar të premten një person të kërkuar nga organet e drejtësisë në fshatin Paldenicë të Hanit të Elezit.
Sipas njoftimit policor, arrestimi është bërë rreth orës 17:10, pasi autoritetet kanë pranuar informacione se personi i kërkuar ishte parë në rrugën “Jalldezë Krasniqi”.
Pas marrjes së informatës, njësitet policore kanë ndërmarrë veprime të menjëhershme në terren, duke arritur ta lokalizojnë dhe arrestojnë M.B., 57 vjeç.
Policia ka bërë të ditur se ndaj tij kishte një urdhër të gjykatës për vuajtjen e dënimit me burgim. Ai është dënuar me pesë vjet burgim për veprën penale “Sulm seksual”.
Pas përfundimit të procedurave në Stacionin Policor në Han të Elezit, i arrestuari është dërguar në institucionin korrektues përkatës për të vuajtur dënimin e shqiptuar nga gjykata.
