Sipas PK-së, personi dyshohet se ka kryer 4 raste të vjedhjeve në rajonin e Prishtinës.
“Sot nga njësiti i hetimeve të stacionit Jugu në Prishtine, është arrestuar një person të dyshuar për disa vjedhjeve (deri tani dyshohet për rreth 4 raste). Rastet kanë ndodhur në periudha dhe lokacione të ndryshme, kryesisht në barnatore dhe markete, në rajonin e Prishtinës”, thuhet në njoftimin e Policisë.
Nga PK-ja kanë bërë të ditur se i dyshuari është i moshës 41-vjeçare dhe i njëjti me vendim të prokurorit të shtetit është dërguar në mbajtje.
“Puna e hetuesve të stacionit policor Jugu, është finalizuar sot, ku pas marrjes së disa veprimeve operative, kanë arrit që të arrestojnë personin e dyshuar: – Sh. J . mashkull, 41 vjeç, shtetas i Republikës së Kosovës. Personi i dyshuar me vendim prokurorit të shtetit është dërguar në mbajtje, përderisa hetuesit po kryejnë të gjitha veprimet e nevojshme hetimore e procedurale lidhur me rastet që dyshohet të jetë i përfshirë i arrestuari”, thuhet më tej në njoftimin e Policisë së Kosovës. /teve1.info/
