Policia ka bërë të ditur se të dyshuarit i janë gjetur dhe sekuestruar, një armë zjarri, një karikator, 14 fishekë dhe një thikë, raporton teve1.info
“Sot nga njësiti i hetimeve të Përgjithshme të rajonit të Prishtinës, është arrestuar një person i dyshuar për veprën vrasje në tentativë, që ka ndodhë me datën 08.01.2023, në lagjen Emshir, në Prishtinë, saktësisht në një lokal ku nga arma e zjarrit është plagosur një person”, thuhet në njoftim.
Tutje bëhet e ditur se hetuesit janë në kërkim të personit të dytë të dyshuar, i cili aktualisht ndodhet në arrati.
