Policia e Kosovës ka arrestuar sot një 35-vjeçar në Viti, nën dyshimin e bazuar se ka kryer vjedhje në dy raste të ndara më datë 24 tetor.
Sipas njoftimit, i dyshuari është përfshirë në vjedhjen e një automjeti në qytetin e Vitisë, teksa brenda ditës së njëjtë ka vjedhur stoli ari dhe gjëra të tjera në shtëpinë e një personi, në fshatin Stubëll e Epërme.
Me këtë rast, automjeti i vjedhur i është kthyer pronarit, teksa të dyshuarit i është caktuar masa e ndalimit për 48 orë.
“Në cilësi të provës materiale është sekuestruar automjeti i vjedhur i cili pas përfundimit të procedurave i është kthyer pronarit legjitim, i dyshuari pas arrestimit është intervistuar në prani të avokatit mbrojtës. Në lidhje me rastin është njoftuar prokurori i shtetit i cili ndaj të dyshuarit ka lëshuar masën e ndalimit për 48 orë dhe ndaj të njëjtit do të ngritët kallëzim penal për veprat penale ‘Vjedhje’ dhe ‘Vjedhje e rëndë’”, thuhet në njoftim. /Teve1.info/
