Policia e Shqipërisë ka arrestuar E.N 27-vjeçar në Durrës i përfshirë së bashku me të dyshuarën Xh.H 25-vjeçare në një rast të shitjes së fëmijës ende të pa lindur.
Policia ka thënë se ndaj të dyshuarës Xh.H ka nisur procedimi penal në gjendje të lirë.
Gjatë mbrëmjes së djeshme, çifti janë shfaqur në një emision në Shqipëri, duke biseduar me një person, ku i kanë prezantuar shumën prej 5000 eurove për ta blerë foshnjën.
“Materialet hetimore i kaluan Prokurorisë pranë Gjykatës së Rrethit Gjyqësor Durrës, për veprën penale “Trafikimi i të miturve”, mbetur në tentativë, dhe vijon puna hetimore për dokumentimin e plotë të këtij rasti”, thuhet në njoftimin e Policisë së Shtetit.
