Në njoftim thuhet se arrestimi i të dyshuari me inicialet B.G, është bërë në bashkëpunim mes hetuesve të antidrogës dhe zyrtarëve policorë.
“Identifikimi dhe arrestimi i të dyshuarit (B.G., viti i lindjes 1995, mashkull, kosovar) është bërë në bashkëpunim mes hetuesve të antidrogës dhe zyrtarëve policorë që janë të angazhuar në zbatim të Planit Operativ ‘Siguria në shkolla dhe stop drogave në shkolla’. I dyshuari është arrestuar në afërsi të shkollës ‘Gjergj Fishta” në rrugën ‘Ismail Dumoshi’ në Prishtinë”, thuhet në njoftim.
Policia bëri të ditur se te i dyshuari është gjetur sasi e marihuanës, 2320 euro dhe një thikë.
“Gjatë kontrollit tek i dyshuari është gjetur një sasi e vogël substancë që dyshohet të jetë narkotike-marihuanë, 2320 (dy mijë e treqind e njëzet) euro dhe një thikë. Policia ka kërkuar nga organet e drejtësisë (prokuroria) leje për kontrolle në shtëpinë e të dyshuarit. Pas pranimit të urdhër-kontrollit, policia e ka realizuar të njëjtin dhe në shtëpinë e të dyshuarit ka gjetur dhe sekuestruar”, thuhet në njoftim.
Tutje bëhet e ditur se pas pranimit të urdhër-kontrollit, policia e ka realizuar të njëjtin dhe në shtëpinë e të dyshuarit ka gjetur dhe sekuestruar edhe armë, prej, fishëke e prej.
“Gjatë kontrollit tek i dyshuari është gjetur një sasi e vogël substancë që dyshohet të jetë narkotike-marihuanë, 2320 (dy mijë e treqind e njëzet) euro dhe një thikë. Policia ka kërkuar nga organet e drejtësisë (prokuroria) leje për kontrolle në shtëpinë e të dyshuarit. Pas pranimit të urdhër-kontrollit, policia e ka realizuar të njëjtin dhe në shtëpinë e të dyshuarit ka gjetur dhe sekuestruar edhe:
Një armë zjarri AK-47 me dy karikatorë dhe 50 fishekë të kalibrit 7.62 mm, Një armë zjarri “Bereta” me një karikator dhe 8 fishekë të kalibrit 7.65 mm,Një sprej, Katër dhjetë e tetë qese të vogla (dyshohet të jetë marihuanë) me peshe 39gr.,Një peshore digjitale etj. (për më shumë shih foton në bashkëngjitje)”, thuhet tutje në njoftimin e policisë.
Me vendim të prokurorit i dyshuari është dërguar në mbajtje për 48 orë. /teve1.info/.
