Policia e Kosovës ka arrestuar një person në Shtime, i dyshuar për sulm fizik, kanosje dhe dhunë në familje ndaj nënës së tij.
Sipas njoftimit, rastin e ka paraqitur e ëma në stacionin policor dhe ka deklaruar se ishte viktimë e dhunës fizike dhe kërcënimeve nga djali i saj 24-vjeçar.
Viktima ka marrë edhe trajtim mjekësor në Qendrën Kryesore të Mjekësisë Familjare.
I dyshuari është shoqëruar në stacionin policor në Shtime dhe është intervistuar nga hetuesit e Njësisë për Dhunë në Familje.
Me urdhër të prokurorit të shtetit, ai është ndaluar për 48 orë dhe ndaj tij po zhvillohen procedurat e mëtejshme hetimore.
