Policia e Kosovës ka njoftuar se ajo dyshohet që ka gjuajtur me armë zjarri një person P.C, 39-vjeçar i cili është jashtë rrezikut për jetë.
“Drejtoria Rajonale Gjilan, Stacioni Policor Gjilan në orët e hershme të mëngjesit nga Qendra Emergjente Rajonale Gjilan është informuar se aty ishte sjellur një person i lënduar si pasoj e gjuajtjes me armë zjarri. Në vendin e ngjarjes kanë dalë njësitet relevante. Sipas raportit të mjekut viktima P.C. (1983) Shqiptar, shtetas i Kosovës është jashtë rrezikut për jetë. Nga hetimet e para në vendin e ngjarjes mësohet se e dyshuar në lidhje me rastin është një femër Shqiptare shtetase e Kosovës viti i lindjes (2000), e cila dyshohet se ka shkrepur nga arma”, thuhet në njoftim.
Tutje, PK ka bërë të ditur se një armë zjarri dhe 40 copë fishekë janë konfiskuar në vendin e ngjarjes si prova materiale.
“Për rastin është njoftuar Prokurori i Shtetit i cili ka urdhëruar që të ngritet Kallëzim Penal për ‘Vrasje në tentativë’ dhe e dyshuara të ndalet në mbajtje për 48 orë , gjersa Policia e Kosovës, Njësiti i Hetimeve Rajonale Gjilan janë duke i hetuar rrethanat e incidentit”, thuhet ndër tjerash në njoftim.
Ndërkaq, i plagosuri dyshohet se është Princ Valentino Corleone i njohur si Vali Corleone./teve1.info/
