Një 16-vjeçar është arrestuar nga Policia e Kosovës, pasi i njëjti dyshohet për vjedhje.
Të dyshuarit, njësitë relevante të Policisë së Kosovës i kanë gjetur sende të vjedhura, të cilat janë sekuestruar dhe i janë kthyer pronarit.
Kështu bëri të ditur zëdhënësi i Policisë për rajonin e Prishtinës, Enis Pllana.
“Pas arrestimit, me urdhër të prokurorit është kryer edhe kontrolle, ku të dyshuarit i janë gjetur sendet e vjedhura, të cilat janë sekuestruar dhe i janë rikthyer pronarit”, ka konfirmuar Pllana.
Sipas tij, personi i dyshuar me vendim të prokurorit të shtetit është dërguar në mbajtje, përderisa hetuesit po kryejnë të gjitha veprimet e nevojshme hetimore e procedurale lidhur me rastin. /teve1.info/
