Tre persona janë arrestuar të premten në rrugën “Muharrem Fejza” në Prishtinë”, pasi që gjatë kontrollit tek ata është gjetur dhe konfiskuar një sasi e substancës narkotike.
Sipas Policisë, me vendim të prokurorit janë bastisur banesat e të dyshuarve, ku dyshohet se janë gjetur dhe konfiskuar një kallashnikov me dy karikatorë dhe 73 fishekë, substancë narkotike e llojit marihuanë me peshë prej 20.02 gram, 28 fishekë të kalibrit 7.65 milimetër dhe një peshore digjitale.
Pas intervistimit, me vendim të prokurorit të dyshuarit janë liruar në procedurë të rregullt.
“Janë arrestuar tre të dyshuar meshkuj kosovarë, pasi që gjatë kontrollit tek të njëjtit është gjetur dhe konfiskuar një sasi e substancës narkotike. Me vendim të prokurorit janë bastisur banesat e të dyshuarve, ku janë gjetur dhe konfiskuar një armë zjarri AK/47 me dy karikatorë dhe 73 fishekë, substancë narkotike e llojit marihuanë me peshë prej 20.02 gram, 28 fishekë të kalibrit 7.65 mm dhe një peshore digjitale. Pas intervistimit, me vendim të prokurorit të dyshuarit janë liruar në procedurë të rregullt”, thuhet në raportin 24-orësh të Policisë./teve1.info/
