Tre persona të dyshuar për të shtëna me armë zjarri në bjeshkët e Strellcit janë arrestuar të enjten nga Policia e Kosovës.
Sipas njoftimit, në vendin e ngjarjes janë gjetur dhe sekuestruar 14 gëzhoja cal. 9 mm, si prova materiale.
“Pas një pune intensive tё hetuesve me datë, 09-10.07.2025, tre të dyshuarit janë arrestuar dhe intervistuar, në koordinim me prokurorin e Shtetit është kryer kontroll/bastisje në shtëpitë e personave të dyshuar aty janë gjetur dhe sekuestruar: një armë pistoletë Sig Sauer mod.365 kal: 9 mm dhe dy karikatorë, një armë pistoletë Stoeger kal: 9 mm dhe një karikator, një armë pistoletë ZVS kal: 9mm dhe një karikator”, thuhet në njoftim.
Të dyshuarit janë arrestuar dhe pas intervistimit nga hetuesit, me vendim tё prokurorit tё Shtetit, janë liruar ne procedurë të rregullt.
