Njësia për Ndërhyrje të Shpejtë e Policisë Kufitare ka arrestuar tre persona të dyshuar për kontrabandë me mallra.
Policia fillimisht ka vërejtur një varkë e cila dyshohet se ka lëvizur përmes Serbisë në territorin e Kosovës.
Në të policia ka parë tre persona të cilët po kontrabandonin 4 qese me mish derri në sasi prej 40 kg.
“Lidhur me rastin, në vendngjarje kanë dalur njësitë përkatëse policore me ç’rast është bërë konfiskimi i mishit dhe i motorit të varkës, ndërsa 3 personat e dyshuar janë shoqëruar në stacion policor, si të dyshuar për kontrabandim me mallra, për zhvillim të procedurave të mëtejme”, thuhet në njoftimin e PK-së.
Pas intervistimit të dyshuarit janë liruar kurse malli i është dorëzuar Doganës.
