Tre persona janë arrestuar në Mitrovicë të Veriut si të dyshuar për veprën penale “Lendim i lehtë trupor dhe armëmbajtje pa leje”.
Sipas njoftimit rasti ka ndodhur të mërkurën ku dy persona e kanë rrahur një 41 vjeçar i cili pasi është ndaluar nga Policia ka njoftuar se ka me vete një granat dore te tipit M75.
“Me datë 26.02.2025 gjatë një pike te kontrollit fshatin Dren te Leposavicit, ne atë vend ishte ndalur një veture me targa te huaja ku nga drejtuesi M.M 41 vjeçar ishin njoftuar se i njëjti ishte rrahur nga dy persona te tjerë dhe njëherit i ka informuar policet se me vete ka një granat dore te tipit M75. Njësitet relevante te Policisë se Kosovës kane dal ne vend te ngjarjes dhe janë marr me rastin, dhe gjate hetimit kane identifikuar dhe arrestuar te tre personat qe kane qene te përfshirë ne rrahje. Te tre personat iu janë nënshtruar testit te alkoolit dhe qe te tre kane rezultuar qe kane qene nen ndikim te alkoolit”, thuhet në njoftim.
Në njoftim po ashtu thuhet se granata e dorës e tipit M75 si dhe një lopatë janë konfiskuar si dëshmi, ndërsa të dyshuarit kanë rezultuar pozitiv në testin e alkoolit.
“Te dyshuarit Alkool test: J.V – 37 vjeçar 1.74 ‰ , J.V. – 27 vjeçar 1.27 ‰, M.M. – 41 vjeçar 1.46 ‰”, bëhet e ditur në njoftimin e Policisë./teve1.info/
